REGLANAN I KONDISHONNAN DI PURBABOSUERTE
1. Tur hende ku registrá komo miembro riba e web-site di PurbaBoSuerte (www.purbabosuerte.com), ta aseptá di kumpli kompletamente ku e reglanan stipulá den nos “Reglanan i Kondishonnan”.
2. Registrashon i Partisipashon ta estriktamente pa persona mayor di 18 aña di edat. Kada persona por registrá ku solamente 1 (un) User Name. Na momentu di registrashon, tur datos rekerí mester wordu yená korektamente. E datosnan aki ta un username i password, nòmber kompleto, direkshon, number di identifikashon, number di telefòn. Registrashón ta kompletamente gratis. Registrashón ta bálido mientras e kuenta ta aktivo. Den kaso ku e persona nó aksesá su kuenta pa un periodo di 180 dia, e kuenta por wordu kanselá na nos diskreshón. Residentenan di paísnan ku no ta permití loteria On-Line, no ta wordu permití pa registrá i kumpra number.
3. Pa por kumpra number via di PurbaBoSuerte, e persona registrá mester tin sufisiente saldo pa por kubri e montante di su bòn. Rekargá kuenta por sosodé 1.pa medio di un PIN prepagá, optenibel na vario establisimentunan, òf 2.pa medio di deposito kèsh na nos ofisina.
4. Riba un bòn ku ta aparesé ora bo klik riba “Kumpra Number”, Numbernan di 2, 3, i 4 sifra por wordu skohé ku e montante deseá na kada unu. E minimo apuesta ta Ang.1,- riba un number. Después ku e number- i montantenan wordu skohé, e sistema ta puntra pa konfirmashón. Unabés konfirmá e bòn ta ofishál i no por wordu kambiá. Lo mantené un montante maximo general riba kada number. E maximonan aki lo ta 2 sifra: Ang. 200,-. 3 sifra: 20,-. 4 Sifra: Ang.10,-. Unabés e maximo aki wordu surpasá, esaki lo wordu indiká, di manera ku un ahuste eventual por wordu hasí riba bo bòn.
5. E sistema di PurbaBoSuerte ta habrí 24 ora pa dia sín stòp, pero ta sera 15 minüt promé ku sorteo pa partisipashón den sorteo di e dia ey.
6. Tur bòn ta den wega pa e sorteo di Wega di Number, pa e fecha indiká riba e bòn.
7. Pa gana, e numbernan, i fecha di sorteo riba bòn mester kuadra ku e numbernan ganador di e dia di sorteo Wega di Number.  Pa 2 sifra, e ultimo 2 sifranan korekto den mesun sekuensha di e 1e, di 2, i/òf di 3 premio di Wega di Number.Pa 3 sifra, e ultimo 3 sifranan korekto den mesun sekuensha di e 1e, di 2, i/òf di 3 premio di Wega di Number. Pa 4 sifra, e ultimo 4 sifranan korekto den mesun sekuensha di e 1e, di 2, i/òf di 3 premio di Wega di Number.
8.Pa 2 sifra, e ultimo 2 sifranan korekto den mesun sekuensha di e 1e, di 2, i/òf di 3 premio ta paga Ang. 40,- 20,- 10,- respektivamente pa kada Ang.1,- kumprá.
Pa 3 sifra, e ultimo 3 sifranan korekto den mesun sekuensha di e 1e, di 2, i/òf di 3 premio ta paga Ang. 400,- 200,- 100,- respektivamente pa kada Ang.1,- kumprá.
Pa 4 sifra, e ultimo 4 sifranan korekto den mesun sekuensha di e 1e, di 2, i/òf di 3 premio ta paga Ang. 3000,- 1500,- 750,- respektivamente pa kada Ang.1,- kumprá.
9. Na momento ku tin number ganador, e kuenta di e persona ganador lo wordu kredita outomatikamente, pa más tardá 1 ora después ku e sorteo tuma lugar.
10. Tur persona registrá por kobra e fondonan kompleto, òf parti di esaki riba nan kuenta na kualkier momentu, mandando nos un e-mail of yamando nos na e telefon menshona.

11. PurbaBoSuerte por terminá òf kanselá kuenta di un persona registrá den kaso ku 1. e kuenta ta ínaktivo pa un periodo di 180 dia òf más, òf na diskreshón di PurbaBoSuerte e persona ta enbolbí manipulashón/froude elektroniko ku nos sistema den kualkier forma.
12. Kuenta por wordu blokiá si e persona registrá purba hinka un PIN ínbalido 5 biaha. Na momentu ku esaki sosodé e persona por yama nos ofisina pa desblokiá e kuenta. Esaki lo sosode si na nos diskreshon no tabatín intento di manipulashón ku nos e sistema. No tin gastu mará na esaki.
13. PurbaBoSuerte ta un servisio outomatisá pa kumpra number via ofisina di Number di Joe-Black.
14. Kada persona registrá ta keda responsabel personalmente pa pago di impuesto riba ganashi di premio di PurbaBoSuerte.
15. PurbaBoSuerte no ta para responsabel pa problemanan tékniko ku kompiuter, konekshón di internet, i/òf otro aspektonan tékniko ku no ta bou di kontrol di PurbaBoSuerte. Bònnan ta bálido na momento ku e wordu konfirmá i e montante wordu dedusí for di kuenta di e persona registrá.
16. Si pa kualkier motibu, un sorteo di Wega di Number Korsou no tuma lugá manera paneá, bònnan lo ta bálido pa e siguiente sorteo di Wega di Number Korsou.
17. Solamente 1 karchi di promoshon di Ang. 1,- por wordu rekargá riba kuenta di kada persona registrá. Si akaso mas karchi wordu rekargá riba e kuenta PurbaBoSuerte por konsidera e apuesto komo nulo i lo no paga eventual number ganador di sorteo. Tambe e kuenta di e persona por wordu blokiá.


PURBBOSUERTE ta Agente Ofishal di Joe-Black Lottery